مسخن, اصفر, ذهبي, بالزبدة, بيضات, حلا, سانبل, زوج, violet, قاطو, كاستال

قاطو كاستال 2013

بالنسبة للكاستال كاين زوج واحد سانبل بلا كاوكاو
والتاني بالكاوكاو
انوريلك التاني
واذا حبيتي اللول ماكان حتى مشكل
المهم الكاستال لازملو 300 غ كاوكاو بلا قشور
محمص ومرحي
250 غ زبدة دايبة
250 غ سكر ناعم
120 غ فرينة
5 حبات بيض فرقيهم لصفر وحدو ولبيد وحدو
باكي خميرة مع الحليب
التزيين
5 صفار البيض
كوكاو
250 غ سكر ناعم
وشوية فاني
الطريقة
في طبسي حطي الكوكاو السكر الفرينة الخميرة مع الحليب خلطيهم مليح وزيديلهم الزبدة الدايبة وخلطي b1
في طبسي واحدواخر حطي بياض 5 بيضات ودربيهم مليح مع شويا ملح حتان يولي كي التلج
من بعد خلطيه في الطبسي اللول غير بلاعقل باش مايتكسرش التلج ديالك وفي نفس الوقت لازم يتخلط مليح خلطيه وكانك تقلبي فيه يعني من تحت للفوق
من بعد فرغيه في سنيوة من الاحسن تكون مربعة ولا مستطيلة
بعد ماتدهنيها بالزبدة وتزيدي ترشي عليها الفرينة ودخليه في الفور يكون مسخن من قبل وطيبيه حتان يولي اصفر ذهبي من تحت
ولا دخلي موس اذا مالصق فيه والو ماعناتها طاب
خرجيه وخليه يبرد

وكي يعود يبرد
في طبسي ديري صفار البيض ديالك
ودربيهم مليح وزيديلهم السكر والفانيلا وخلطيهم حتان توليلك كريما وفرغيها فوق القكاستال وذرذري عليها الكوكاو من فوق
ولا تحبي ديري الكرام وحدها برك خليها تيبس من بعد قطعيها مربعات
وهادي فوطو للكاستال